O‘zLiDeP фаоллари томонидан тузилган ишчи гуруҳ Поп тумани “Ғурумсарой” ва “Кенагас” МФЙ аҳолиси билан юзма-юз мулоқот ташкил этди.

Мазкур маҳалла 2018 йил “Обод қишлоқ” дастурига киритилган бўлиб, улардаги 1511 хонадонларда 6247 нафар аҳоли яшайди. Аҳолининг кўп қисми новвойчилик, деҳқончилик ва чорвачилик билан шуғулланади.

Кун давомида 80 га яқин аҳоли вакиллари билан суҳбатлашилганда 75 дан ортиқ таклиф ва мурожаатлар келиб тушди. Жумладан, ичимлик суви ва табиий газ таъминотини яхшилаш, нореал қарздорлик ва бандлик, уй-жой масаласидир.

- Маҳалламизда спортга қизиқиши бор ёшлар жуда кўп, - дейди маҳалла фаоли Жўрабой Дўстқўзиев. - Ғурумсарой иқтисодиёт касб-ҳунар коллежи ҳисобидаги бўш турган спорт комплексини таъмирлаб, ёшларнинг вақтларини мазмунли ўтишига кўмаклашилса яхши бўларди.

Келиб тушган мурожаат ва таклифлар Халқ депутатлар туман Кенгашидаги O‘zLiDeP депутатлик гуруҳи томонидан назоратга олинди.

Бундан ташқари, маҳалла  аҳли ўртасида олиб борилган мулоқот давомида “Ҳар бир оила тадбиркор” ва “Yoshlar kelajagimiz” давлат Дастури мазмун-моҳияти кенг тушунтирилди. Тарғибот мобайнида  томорқасида иссиқхона ташкил этиш истагини билдирган аҳоли вакилларига зарурий маслаҳат ва кўникмалар берилди.

Юлдуз ЮЛДАШЕВА,

O‘zLiDeP Наманган вилоят

Кенгаши матбуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!