O‘zLiDeP “Қонликўлли Тазагул” хусусий корхонасида БПТ тузди
14.08.2018, 08:07
O‘zLiDeP Қорақалпоғистон Республикаси Кенгаши Қонликўл туманидаги “Қонликўлли Тазагул” хусусий корхонасида очиқ мулоқот ташкил этди.
Дастлаб корхона раҳбари Тазагул Туремуратова иштирокчиларни корхона фаолияти ва ишчи-ходимлар учун яратилган шарт-шароитлар билан таништирди.
Таъкидлаш керак, 2015 йилда ўз фаолиятини савдо соҳасида бошлаган корхона жорий йилнинг ижтимоий иқтисодий ривожлантириш дастурига “Нон ва нон маҳсулотларини ишлаб чиқариш” лойиҳаси билан киритилган эди. Шу боис, тижорат банкларининг 250 млн. сўм миқдоридаги кредити ҳисобидан нон ишлаб чиқариш ва тикиш цехлари муддатидан аввал ишга тушди.
– 2016 йилдан буён O‘zLiDeP аъзосиман, – дейди корхона раҳбари Т.Туремуратова. – Шу сабабли партия фаоллари доимий равишда корхонамизга келиб, фаолиятимизни ривожлантиришда кўмаклашиб туришади. Яқинда партия кўмагида 7 та замонавий тикиш машинаси олиб келиб, ҳудуддаги 9 нафар хотин-қизни иш билан таъминладик. Келгусида ҳам режаларимиз кўп. Энг аввало, фаолиятимизни кенгайтириб, қўшимча бўш иш ўрни яратмоқчимиз.
Тадбир давомида шунингдек, хусусий корхонада ишловчи хотин-қизларга партиянинг мақсад-вазифалари ҳақида атрофлича маълумот берилди.
– Партиянинг ғоявий мақсад ва дастури менда катта қизиқиш уйғотди. Шунинг учун O‘zLiDePга аъзо бўлдим, – дейди корхона ишчиси Гулбахор Умарова. – Тикувчиликка болалигимдан қизиқаман, ҳатто келажакда бу соҳада тадбиркорлик фаолиятимни ҳам бошламоқчиман. Бунда албатта партия кўмагига таянаман.
Тадбирда 5 нафар хотин-қиз партия аъзолигига қабул қилиниб, корхонада партиянинг бошланғич ташкилоти очилди.
O‘zLiDeP Қорақалпоғистон
Республикаси Кенгаши
матбуот хизмати
O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!
Ўхшаш янгиликлар
-
Аҳолига қонунчиликдаги янгиликлар тушунтирилди
20.04.2024, 08:28
-
Депутатлар талабалар билан экология мавзусида қизиқарли суҳбат қурдилар
19.04.2024, 15:08
-
Депутат “маҳалла еттилиги” фаолиятини ўрганди
19.04.2024, 14:53
-
Депутат талабаларнинг муаммо ва таклифларини ўрганди
19.04.2024, 14:48
-
Депутат ғаллаороллик сайловчилар билан мулоқотда бўлди
19.04.2024, 14:36
Фикрингизни қолдиринг