Бугун мамлакатимизда ёшлар ўзларига берилаётган эътибор, яратилаётган кенг имкониятлардан самарали фойдаланиб, бор иқтидорларини намоён қилган ҳолда юрт равнақи ва ватан тараққиётига ўз ҳиссасини қўшиб келмоқда. Хоразмлик Севара Худайберганова ҳам ана  шундай ёшлардан бири саналади.

Чунки у болалигидан тикувчилик сир-асрорларини ўрганиб, эндиликда фаол тадбиркор сифатида фаолият юритмоқда. Эътиборлиси, ёш тадбиркор бугун 5 нафар хотин-қизни бандлигини таъминлаган.

–Тикувчилик цеҳи ташкил қилиш орзуйим эди, – дейди Севара. – Тикув машиналарим бўлса-да, якка тадбиркор сифатида иш бошлашимда бино масаласи муаммо эди. Шу масалада O‘zLiDePга мурожаат қилган эдим. Партия фаолларининг кўмаги билан Урганч шаҳридаги 29-сон “Байналминалчи” МФЙдан 1 та хона ажратиб берилди. Айни чоғда болалар ва аёллар кийимлари ҳамда ўқувчилар учун мактаб формалари тайёрлаяпмиз. Албатта, бу бошланиши. Келгусида ишлаб чиқариш кўламини кенгайтириб, яна 10 та қўшимча иш ўрни яратмоқчимиз.

Таъкидлаш керак, бугун бу ёш тадбиркор Урганч шаҳридаги 29-сон умумий ўрта таълим мактаби ўқувчиларига мактаб кийимлари тайёрлаб бериш бўйича шартнома ҳам имзолаган.                                                          

Нилуфар ДЖАББАРОВА,

O‘zLiDeP Хоразм вилоят Кенгаши

матбуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!