Аввал хабар  берганимиздек, O‘zLiDeP Сиёсий Кенгаши Ижроия қўмитаси вакиллари Самарқанд ва Наманган вилоятларида бўлиб, партия фаолларига аниқ вазифалар юклаган ҳолда ҳудуддаги аҳвол билан яқиндан танишиш ва жойлардаги муаммоларни ўрганиш мақсадида аҳоли билан бевосита мулоқот тизимини йўлга қўйишган эди.

Ана шундай учрашувларнинг навбатдагиси Жиззах вилоятида ўтказилиши белгиланди.

Туманлардаги аҳоли шарт-шароитлари билан яқиндан танишиш, муаммоларини ўрганган ҳолда уларга партиявий воситалар орқали ечим топиш, аҳоли томорқаларидан самарали фойдаланиш тизимини кенг йўлга қўйиш мақсадида партиянинг Жиззах вилоят, туман, шаҳар Кенгашлари раислари, аппарат раҳбарлари, маҳаллий Кенгаш депутатлари ҳамда БПТ раислари билан учрашув ташкил қилинди.

Очиқ мулоқот тарзида ташкил этилган тадбирда партия олдида турган устувор вазифалар, унинг жамиятдаги ўрни ва роли, партия ғояларини аҳоли орасида кенг тарғиб қилиш бўйича мутасаддиларга тегишли кўрсатмалар берилди.

Учрашув давомида партия ходимлари, депутатларнинг аҳоли орасида кириб боришда фаоллигини ошириш, аъзолар сафини кенгайтириш, БПТ фаолиятини янада такомиллаштириш, келгуси сайловларга номзодларни танлаб олишда фаол лидерларни излаб топиш борасида зарур тавсиялар берилди.

Учрашув сўнггида Президентимиз томонидан қабул қилинган Қарор ва Фармонлар ҳамда партия дастурий мақсад ва вазифаларини аҳоли орасида оддий халқчил  тилда тарғиботини кўчайтириш юзасидан ишчи гуруҳ ташкил этилиб, жойларда бу каби мулоқотларни  ўтказишга келишиб олинди. 

Партия фаолларининг аҳоли билан учрашувлари давом этмоқда.

O‘zLiDeP Жиззах вилоят

Кенгаши матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!