O‘zLiDeP Жиззах вилоят Кенгаши Дўстлик тумани Манас қишлоғидаги  Маъданият марказида “Фаол тадбиркор – ижодкор нигоҳида” танловининг тақдимотини ўтказди. Унда шунингдек, мамлакатимиз мустақиллигининг 27 йиллигига бағишлаб “Ватаним – обод қўрғоним” мавзуида очиқ мулоқот ҳам бўлиб ўтди.

Мавзуга оид:

O'zLiDeP ТАНЛОВ ЭЪЛОН ҚИЛАДИ

Тадбирда партия вилоят Кенгаши вакиллари, ёзувчи ва шоирлар, ижодкорлар, журналистлар, тадбиркор ва фермерлар ҳамда кенг жамоатчилик вакиллари иштирок этди. 

Кўтаринки рухда ўтган мулоқот давомида замонамиз қаҳрамонлари бўлмиш ишбилармон, тадбиркор, фермерлар сиймосини бадиий асарлар, публицистик мақолалар, телекўрсатувлар орқали яратишга чоғланган ижодкорларни рағбатлантириш мақсадида O‘zLiDeP томонидан ташкил этилган республика кўрик танлови тўғрисида атрофлича маълумотлар берилди.

– Ижодкорларнинг тадбиркор ва фермерлар олдида қарзлари кўп. Чунки ишбилармонларнинг мамлакатимиз равнақи, эл ободлиги, дастурхонларимиз тўкинлиги йўлида амалга ошираётган ишларини қоғозга тушириш ва замонамиз қаҳрамонлари образини яратиш ижодкорлардан катта масъулият талаб қилади, – дейди Ўзбекистон Ёзувчилар уюшмаси Жиззах вилоят бўлими масъул котиби Меҳрибон Абдурахмонова. – Шу маънода, O‘zLiDeP ташаббуси билан ташкил этилган мазкур танлов ёзувчи ва ижодкорларимизга ҳам ўзига хос жишоат, ғайрат бағишлайди.  

Саида УМАРАЛИЕВА,

O‘zLiDeP Жиззах

вилоят Кенгаши

матбуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!