O‘zLiDeP Тошкент шаҳар Кенгаши ва Чилонзор туман Кенгаши ҳамкорлигида энг улуғ, энг азиз байрам – мамлакатимиз мустақиллигининг 27 йиллигига бағишлаб ташкил этилган тадбир ана шундай номланди.

Унда Олий Мажлис Қонунчилик палатасидаги партия фракцияси аъзолари, партиянинг шаҳар ва туман кенгаши ходимлари, иқтидорли ёшлар, ёш тадбиркор ва фермерлар, шунингдек, таниқли санъаткор, шоир ҳамда ёзувчилар иштирок этди.

Қайд этилганидек, мустақиллик туфайли мамлакатимиз ёшлари жамиятда ўз ўрнини топиб, ижтимоий ҳаётнинг фаол иштирокчисига айланмоқда. Бугунги ўзбек ёшлари нафақат юртимиз, балки халқаро миқёсдаги маданий-маърифий, илм-фан, спорт йўналишидаги нуфузли тадбирларда қатнашиб, юксак марраларни забт этмоқда.  

–Ватанимиз тараққиёти, дунёнинг ривожланган демократик давлатлари қаторидан муносиб ўрин олиши кўп жиҳатдан униб-ўсиб келаётган ёш авлоднинг салоҳияти, билимга чанқоқлиги ва илму фан чўққиларини ўзлаштиришига боғлиқ, – дейди O‘zLiDeP Чилонзор туман Кенгаши аппарат раҳбари Абдунаби Мухримов. ­ – Шу боис, кейинги йилларда Президентимиз раҳнамолигида ёшлар учун барча шароит ва кенг имкониятларни яратиб бериш давлатимиз сиёсатининг устувор йўналишларидан бири этиб белгиланди. Бу эътиборнинг самарасини ёшларимиз турли соҳаларда эришаётган ютуқларда яққол кўриб турибмиз. 

Байрам тадбирида иштирок этган таниқли шоирлар, санъаткорлар ва ёш истеъдод эгаларининг чиқишлари йиғилганлар кайфиятига байрамона рух бағишлади.

O‘zLiDeP Тошкент шаҳар Кенгаши

 матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!