Коворкинг маркази фаолиятида O‘zLiDeP энг яқин кўмакдош
26.08.2018, 17:30
Мамлакатимизда ёшларнинг ижтимоий-иқтисодий фаоллигини ошириш, уларни тадбиркорлик фаолиятига кенг жалб қилиш, ёш тадбиркорларнинг истиқболли ғоялари ва лойиҳаларини рўёбга чиқариш ва шу асосда ёшлар бандлигини таъминлаш мақсадида “Yosh tadbirkorlar” коворкинг марказлари ташкил этилмоқда. Ана шундай марказлардан бири Мингбулоқ туманида ўз фаолиятини бошлади.
Таъкидлаш керак, эндиликда Мингбулоқлик ёшлар келажаги учун хизмат қилувчи ушбу марказ йигит-қизларнинг бизнес ташаббуслари, стартаплари, ғоялари ва лойиҳаларини амалга оширишга кўмак бериш, бизнес режалар ишлаб чиқиш, шунингдек, мастер-класслар ва семинарлар ташкил этиш каби муҳим вазифаларни амалга оширади.
- Ёшлар коворкинг маркази ташкил этилгани мустақиллик байрами учун ажойиб туҳфа бўлди, - дейди Сарвиноз Ҳамроқулова. - Туманимизда ҳам тадбиркорликка қизиққан ёшлар талайгина. Ишончим комилки, ушбу марказ биз каби ёшларни тадбиркорлик фаолиятини йўлга қўйиши ва ҳудудда ёш тадбиркорлар сафини янада кенгайтиришга хизмат қилади. Чунки марказ қошида турли касбга йўналтирувчи тўгараклар ташкил этилган.
- Мақсадимиз ёшларни ҳар бир дақиқасини мазмунли ўтишини таъминлаш билан бирга уларга даромад топиш сирларини ўргатишдан иборат, - дейди O‘zLiDeP Наманган вилоят Кенгаши аппарат раҳбари Носиржон Абдуллаев. – Шу боис, айни чоғда ёшларни қизиқишларини ўрганган ҳолда уларни кичик бизнес ва хусусий тадбиркорликка жалб қилиш борасида тизимли ишларни амалга оширяпмиз. Мақсад битта, тадбиркорлик фаолиятини ривожлантириш орқали ёшлар бандлигини таъминлаш.
Тадбир якунида “Yosh tadbirkorlar” коворкинг-маркази ва O‘zLiDeP вилоят Кенгаши ҳамкорлигида тадбиркорликнинг асаларичилик, лимонария, паррандачилик каби йўналишлар бўйича ёшларга мастер-класс ва турли семинарлар ташкил этишга келишиб олинди.
Юлдуз ЮЛДАШЕВА,
O‘zLiDeP Наманган
вилоят Кенгаши
матбуот котиби
O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!
Фикрингизни қолдиринг
Ўхшаш янгиликлар
-
O’zLiDeP Самарқанд вилоят Кенгашининг йиғилиши бўлиб ўтди
28.03.2024, 17:17
-
Тадбиркорлар қўллаб-қувватланади
28.03.2024, 17:15
-
Ёшлар ўртасида депутат кубоги учун баҳс олиб борилди
28.03.2024, 17:09
-
Келгуси иш режасида маҳаллалардаги ислоҳотларда фаолликни оширишга алоҳида эътибор қаратилди
28.03.2024, 16:57
-
Самарқандлик тадбиркорларнинг муаммо ва таклифлари ўрганилмоқда
28.03.2024, 16:54
Билдирилган фикрлар
Q. Eshqorayeva Navoiy viloyati, Uchquduq tumani2018-09-07 16:19:36
Haqiqatdan ham tadbir so'ngida kelishilgan master-klas va turli seminarlarning ko'proq tashkil etilishi o'ylaymanki yosh tadbirkorlarga malakasini oshirishiga bilimlarini boyitishiga sabab bo'ladi.