Гавҳарой Алиева Пахтачи тумани “Шамсиназар” МФЙ ҳудудидаги “ELEGANT CHORVA INVEST” фемер хўжалиги раҳбари. У 2012 йилдан буён 17,5 гектар майдонда фермерлик билан шуғулланиб келади.

Лекин тиниб-тинчимас бу фермер 2016 йилда сут ва гўшт маҳсулотларини етиштиришга ихтисослашган чорвачилик хўжалигини ҳам ташкил қилди. Дастлаб 35 бош қорамол билан фаолият бошлаган тадбиркорнинг чорва моллари сони ҳозирга келиб 60га яқин.  

Ўтган давр мобайнида у фермер хўжалигини ривожлантириш учун тумандаги бўш турган бинони “нол” харид қийматида олиш ҳамда озуқа ем етиштириш учун қўшимча ер майдони ажратишни сўраб, тегишли ташкилотларга мурожаат қилди. Аммо натижа бўлмади.

Шундан сўнг, фермер бу масалада O‘zLiDeP вилоят Кенгашига мурожаат қилди. Партия фаоллари электорат вакилининг манфаатини ҳимоя қилиш мақсадида мазкур масалани атрофлича ўрганишди. Халқ депутатлари вилоят Кенгашидаги партия депутатлик гуруҳи раҳбари номидан ушбу масала юзасидан тегишли ташкилотга сўров чиқарилди ва унинг ижроси назоратга олинди.

Натижада собиқ “Хумор” санаторий-профилакторийси бино ва иншоотлари “ноль” харид қийматида “ELEGANT CHORVA INVEST” фермер хўжалигига берилди. 

Бахтигул ҚАРШИЕВА,

O‘zLiDeP Самарқанд вилоят

Кенгаши матбуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!