Партия фаолларидан иборат ишчи гуруҳ аъзолари Ғиждувон туманидаги  Сармижон МФЙга қарашли Лабирўтча қишлоғи аҳолиси билан  юзма–юз мулоқот ўтказганларида ушбу ҳудудда яшовчиларни кўпдан бери қийнаб келаётган муаммоларга дуч келдилар

Ана шундай муаммолардан бири ишсизлик масаласи бўлиб, унинг ижобий ҳал этилганлигини алоҳида эътироф этиш жоиз. Яъни, Лабирўтча, Ростгўй қишлоқларидаги кам таъминланган оила аъзоларидан 42 нафарининг “Ғиждувон-Машҳураси” хусусий корхонасида қайта ўқитилиб, тикувчилик касбини эгаллашда амалий ёрдам берилганлиги эътиборга сазовор.

Энг муҳими, ушбу қишлоқларда истиқомат қилувчи Лола ва Махлиё Сафаровалар, Махбуба Ахмедова, Наргиза Файзиева, Дилбар Тўраеваларга тикув машиналари топширилиб, уларнинг бундан кейинги иш фаолиятлари талаб даражасида бўлиши учун зарур имконият яратилди. Шу тариқа туманнинг Сармижон ва Бўктарой МФЙлари бўйича аҳоли бандлигини таъминлашда партия фаолларининг кўмаги салмоқли бўлди.

O‘zLiDeP Бухоро вилоят Кенгаши

матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!