Партия фаолларидан иборат ишчи гуруҳ аъзолари Элликқалъа туманидаги “Обод қишлоқ” ва “Обод маҳалла” дастурига киритилган “Бостан” шаҳарчаси аҳли билан учрашди.

Ташриф чоғида партия вакиллари маҳаллама-маҳалла, уйма-уй юриб, халқ билан юзма-юз мулоқот қилди, уларни қийнаётган муаммоларни ўрганди ва уларга ижобий ечим топиш чораларини кўрди.

–Мазкур туманга келин бўлиб тушганимга 5 йилдан ошди, – дейди “Бостан” шаҳарчасида яшовчи Р.Мамутова. – Фарзанд тарбияси билан шуғулланиб, кўп йиллар уйда ўтирдим. Тикиш-бичиш сир-асрорларидан бироз хабарим бор. Шу боис, бирорта корхонага ишга жойлашиб, оиламиз даромадига ҳисса қўшмоқчиман.    

Мулоқотлар давомида шу ва бошқа фуқаролар томонидан ишсизлик масаласида келиб тушган мурожаатлар атрофлича ўрганилди ва ишчи гуруҳ ташаббуси билан 13 нафар хотин-қиз “Мега текстиль” МЧЖга ишга жойлаштирилди.

Дилбар ШАРАПОВА,

O‘zLiDeP Элликқалъа туман

Кенгаши аппарат раҳбари

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!