O‘zLiDeP ташаббуси билан Хўжаободда 200 нафарга яқин фуқаро бепул тиббий кўрикдан ўтказилди

22.11.2017, 20:57

O‘zLiDeP ташаббуси билан Хўжаободда 200 нафарга яқин фуқаро бепул тиббий кўрикдан ўтказилди

O‘zLiDeP Хўжаобод туман Кенгаши ташаббуси билан туман тиббиёт бирлашмасида бепул тиббий кўрик ташкил этилди. Тадбир доирасида 200 нафарга яқин фуқаро чуқурлаштирилган кўрикдан ўтказилди.

– Туманимизда аҳолини соғломлаштириш бўйича ишчи гуруҳ тузилган, – дейди туман тиббиёт бирлашмаси раҳбари Т. Абдураҳмонов. – Бу тажриба чекка ҳудудларимиздаги аҳоли соғлиғини муҳофза қилишда қўл келмоқда. Айниқса, хотин-қизлар ва ҳомиладор аёлларнинг чуқурлаштирилган тиббий кўрикдан ўтказилаётгани соғлом болаларни дунёга келишида муҳим омил. Бу йўналишда патронаж хизматининг даволаш профилактика ишлари ҳам назорат остига олинган.

– Бугунги тиббий кўрик кўнглимиздаги иш бўлди, – дейди “Қувват Мурат” маҳалласида истиқомат қилувчи Тоифахон Мусаева. – Чунки биз каби уй бекалари рўзғор юмушларидан ортиб бундай кўрикларга вақт ажратишимиз қийин. Бизга шундай имконият яратган O‘zLiDePдан миннатдормиз.

Шу куни туман аҳолиси вакиллари тор соҳа мутахассислари томонидан ҳам атрофлича текширилиб, касаллик аниқланган ҳолатларда соғломлаштиришга жалб этилди.

Маҳфуза ТУРҒУНОВА,

O‘zLiDeP Хўжаобод туман

Кенгаши раиси ўринбосари

O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!

  • Кўрилди
    1712
  • Чоп этиш
  • Дўстлар билан улашиш
← Орқага қайтиш

Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+