Бугун Нишон туманидаги “Ибрагимов Абдуҳалил” фермер хўжалигида тадбиркор ва ишбилармонлар, фермер ҳамда деҳқон хўжаликлари раҳбарлари иштирокида давра суҳбати бўлиб ўтди. Мулоқотда O‘zLiDeP Сиёсий Кенгаши Ижроия қўмитаси раиси, Ўзбекистон фермер, деҳқон хўжаликлари ва томорқа ер эгалари Кенгаши раиси вазифасини бажарувчи Актам Хаитов сўзга чиқиб, мамлакатимизда амалга оширилаётган кенг кўламли ислоҳотлар юзасидан фикр юритди.

- “Ҳар бир оила – тадбиркор” дастури ижросини таъминлаш аҳоли бандлиги ва фаровонлигини таъминлашда муҳим аҳамият касб этади, – деди А. Хаитов. – Томорқачиликни ривожлантириш, оилавий тадбиркорликни қўллаб-қувватлаш борасидаги ишларимизни сифат жиҳатдан яхшилашимиз керак. Партия депутатлари фермерларни ўйлантириб келаётган муаммоларни ўрганиб, ижобий ечим топишда фаоллик кўрсатишлари лозим. Бу йилги пахта йиғим теримига уюшмаган ёшларни жалб этиш, теримчилар билан меҳнат шартномаси тузиш, уларнинг меҳнат қилишлари учун барча шароитларни муҳайё этиш борасидаги ишлар партиямиз ҳудудий Кенгашлари томонидан назорат қилинади.

Тадбир якунида Нишон туман Ширинобод маҳалласида яшовчи  “Нишон томорқа” корхонаси раҳбари Дилмурод Жаҳонгировга  томорқачиликни ривожлантириш учун 500 млн сўм кредит ажратиладиган бўлди.

 O‘zLiDeP Сиёсий Кенгаши Ижроия қўмитаси раиси, Ўзбекистон фермер, деҳқон хўжаликлари ва томорқа ер эгалари кенгаши раиси вазифасини бажарувчи Актам Хаитовнинг қашқадарёлик тадбиркор ва фермерлар билан мулоқоти давом этмоқда.

O‘zLiDeP Қашқадарё вилоят

Кенгаши матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!