Куни кеча O`zLiDeP Фарғона вилояти Кенгаши, Халқ депутатлари Фарғона тумани Кенгашидаги O`zLiDeP депуталик гуруҳи аъзолари ва партия фаолларидан иборат ишчи гуруҳ аъзолари Фарғона туманидаги “Ёрдон” маҳалла фуқаролар йиғинида сайёр қабул ўтказди.

Сайёр қабулда “Ҳар бир оила – тадбиркор” Дастури асосида кредит олиш, маҳалла фуқаролар йиғинида кутубхона ташкил қилиш, тадбиркорлик фаолиятини бошлаш учун бино олиш, эчкичиликни ривожлантириш бўйича тушган мурожаатлари ижобий ҳал қилинди. Жумладан, О.Қорабоевнинг тадбиркорлик фаолиятини амалга ошириш учун бино сўраб қилган мурожаати асосида ишчи гуруҳ томонидан “Ёрдон” маҳалла фуқаролар йиғинидаги бўш турган бинолардан бири ажратиладиган бўлди.

Шунингдек, ишчи гуруҳ аъзолари томонидан партиянинг “Фаровон оила” лойиҳаси доирасида маҳалладаги ижтимоий ҳимояга муҳтож оилалар ҳолидан хабар олинди.

А.Отабоев,

O`zLiDeP Фарғона вилояти

Кенгаши бўлим мудири

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!