O‘zLiDeP Тайлоқ туман Кенгаши ва туман хотин-қизлар қўмитаси ҳамкорлигида “Бизнинг жамиятда ҳар бир аёл давлат ҳимоясидадир!” мавзуида давра суҳбати ташкил этилди.

Унда тумандаги 50 га яқин маҳалла фуқаролар йиғинлари маслаҳатчилари  ва мутахассислари қатнашди.

Тадбирда норасмий ёлланма бир марталик ишда банд бўлувчи хотин-қизлар масаласини ўрганиб, уларни доимий иш билан банд этиш бўйича таклифлар билдирилди. Ҳар бир маҳалла фаолларига ҳудудидаги аёллар билан алоҳида суҳбат олиб бориши ва уларни муаммосини ўрганиш лозимлиги айтиб ўтилди.

– Мазкур муаммони ечимини топиш учун ҳар биримиз ўз ҳудудимиздаги аёллар билан алоҳида шуғулланиб, уларни доимий иш билан банд қилиш чораларини кўришимиз зарур, – дейди O‘zLiDeP  Тайлоқ туман Кенгаши аппарат раҳбари А.Мирзоев. – Шу туфайли муаммони туманда ҳал бўлиши учун халқ депутатлари Тайлоқ туман Кенгашидаги O‘zLiDeP  депутатлар гуруҳи томонидан туман Бандликка кўмаклашиш ва аҳолини ижтимоий муҳофаза қилиш бўлими раҳбариятига сўров юборамиз.

Шунингдек, тадбирда асосий муаммолар саналган ишсизлик, уй-жойининг йўқлиги, турмушидан ажралгани ва боқувчисининг йуқлиги, норасмий никоҳлар, айрим аёлларда фуқаролик паспортининг мавжуд эмаслиги масалалари хусусида ҳам сўз борди.

Тадбир якунида мазкур масала юзасидан масъул ташкилот раҳбарларининг O‘zLiDeP Тайлоқ туман кенгаши депутатлик гуруҳининг кейинги йиғилишларида эшитувини ташкил қилишга келишиб олинди.

Бахтигул ҚАРШИЕВА,

O‘zLiDeP Самарқанд вилоят

Кенгаши матбуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!