Халқ депутатлари Каттақўрғон туман Кенгашидаги O‘zLiDeP депутатлик гуруҳининг навбатдаги йиғилиши бўлиб ўтди.

Унда АТБ Агробанк Пайшанба филиали бош мутахасиси Ш.Рўзиевнинг ахбороти эшитилди.

– “Обод қишлоқ” дастури доирасида “Каттаминг” ва “Қоракўлча” маҳаллаларида хонадонма-хонадон юриб, аҳолига имтиёзли кредит турлари ҳақида маълумот бердик, – дейди Ш.Рўзиев. – Олиб борган сай-ҳаракатларимиз натижасида 150 га яқин фуқарога 2 млрд. сўмдан ортиқ имтиёзли кредитлар ажратилди ва уларга тадбиркорлик фаолиятини бошлашига кўмаклашилди.

Йиғилишда шунингдек, туман бандликка кўмаклашиш маркази бўлим бошлиғи З.Абдуллаевнинг ҳисоботи тингланди.

–Жорий йилда туманда ижтимоий-иқтисодий ривожлантириш дастурининг бажарилиши бўйича тасдиқланган дастурга 124 лойиҳа ва 932 та янги иш ўринлари яратилиши режалаштирилган бўлиб, шундан 74  лойиҳа амалга оширилиши ҳисобига 562 та иш ўринлари яратилди, – дейди  З.Абдуллаев. – Шунингдек, маҳалларда жамоатчилик асосида 1000 га яқин фуқаролар ишга банд қилиниб, уларнинг ҳар бирига 600-700 минг сўм миқдорида ойлик маош белгиланди.

Йиғилишда кўрилган масаллар юзасидан партия депутатлик гуруҳининг тегишли қарори қабул қилинди.

O‘zLiDeP Самарқанд вилоят

Кенгаши матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!