Хоразмлик маслакдошларимиз сони 27 нафарга кўпайди
18.09.2018, 18:28
O‘zLiDeP Хоразм вилоят Кенгаши вилоят Соғлиқни сақлаш бошқармасида “Соғлиқни сақлаш соҳасида хусусий сектор ҳиссаси” мавзуида очиқ мулоқот ўтказди.
–Давлатимиз раҳбари ўтган йили соғлиқни сақлаш ходимлари билан бўлган видеоселектор йиғилишида айнан тез тиббий ёрдам фаолиятини ривожлантириш борасида аниқ кўрсатмалар берган эди, – дейди вилоят тез тиббий ёрдам бўлими мудири Шухрат Қурбанниязов. – Хусусан, тез тиббий ёрдам бўлимларини автомобиллар билан таъминлашда жойлардаги аҳоли сонига эмас, балки чақирувлар сонига қараш лозимлигини таъкидлаган эди. Шу боис, жорий йилда Хива шаҳридаги 4 та автомобил Урганч шаҳар бўлимимизга ўтказилди.
Учрашувда дори-дармон, тиббиёт кийимлари етишмаслиги, маҳаллий бюджетдан ажратилиши белгиланган маблағларнинг ўз вақтида етказилмаётгани бўйича мавжуд муаммолар ўртага ташланди. Мазкур масала юзасидан Халқ ноиби, O‘zLiDeP депутатлик гуруҳи аъзоси Ш.Сафарбаев вилоят Молия бошқармасининг хисоботини эшитиш ва бу борада амалга оширилиши белгиланган ишларни назоратга олишини маълум қилди.
Мулоқот якунида партияга аъзо бўлиш истагини билдирган 27 нафар тиббиёт ходими партия сафига қабул қилинди.
Султонбой ОЧИЛОВ,
O‘zLiDeP Хоразм вилоят Кенгаши
сиёсий таълим маркази раҳбари
O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!
Ўхшаш янгиликлар
-
Келгуси иш режасида маҳаллалардаги ислоҳотларда фаолликни оширишга алоҳида эътибор қаратилди
28.03.2024, 16:57
-
Қуйи бўғинларда ҳисобот – сайлов йиғилишлари давом этмоқда
28.03.2024, 16:35
-
Жомбой туманидаги партия қуйи бўғинлари фаолияти сарҳисоб қилинди
22.03.2024, 14:34
-
Ғалвир сувдан кўтарилганда...
22.03.2024, 12:14
-
Партиявий фаолият самарадорлигини оширишда янгича ёндашув зарур
14.03.2024, 18:36
Фикрингизни қолдиринг