O‘zLiDeP Самарқанд туман Кенгаши томонидан тумандаги “Саломов Зиё Зиёевич” фермер хўжалигида “Ҳар бир оила – тадбиркор”, “Yoshlar­­ – kelajagimiz” Давлат дастурларининг тарғиботига бағишланган учрашув уюштирилди. Учрашувда Халқ депутатлари Самарқанд туман Кенгашидаги O‘zLiDeP депутатлик гуруҳи раиси Абдужаббор Умаров сўзга чиқиб, Ўзбекистон Республикаси Президенти томонидан тадбиркорлик соҳасини қўллаб-қувватлашга  доир қабул қилинган қарор ва фармонларнинг мазмун-моҳияти ҳақида гапирди.

– Мамлакатимизда тадбиркорликни ривожлантириш борасида яратилаётган шарт-шароитлардан ҳар бир фуқаро оқилона фойдаланиб, ҳеч бўлмаганда, томорқасида тадбиркорликни йўлга қўйса ҳам, оилавий бюджетига фойда келтиради, – дейди А.Умаров. – Хусусан, “Ҳар бир оила – тадбиркор” дастури доирасида берилаётган имкониятлар мамлакатимизда оилалар фаравонлигини оширишнинг муҳим кафолатидир. Бундан барча фуқароларимиз, жумладан, “Саломов Зиё Зиёевич” фермер хўжалиги ишчи-ходимлари ҳам самарали фойдаланиши керак.    

Тадбир сўнггида фермер хўжалигининг 10 га яқин ишчи ходимлари партия сафига қабул қилиниб, хўжаликда бошланғич партия ташкилоти тузилди.

O‘zLiDeP Самарқанд вилоят

Кенгаши матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!