O‘zLiDeP Қашқадарё вилоят Кенгаши сиёсий таълим маркази ТАТУ Қарши филиалида лидерларнинг билим ва кўникмаларини оширишга қаратилган семинар-тренинг ташкил этди.

Унда партия вилоят ва Қарши шаҳар Кенгаши ходимлари, БПТ раислари, халқ депутатлари вилоят Кенгашидаги партия депутатлик гуруҳи аъзолари, ОАВ вакиллари ҳамда талаба-ёшлар қатнашди.

–Семинар давомида Қарши шаҳар ва туман Кенгашларида шакллантирилган 20 нафар лидернинг нотиқлик ва аудиторияни бошқара олиш кўникмасини синовдан ўтказдик, – дейди O‘zLiDeP вилоят Кенгаши қошидаги Сиёсий таълим маркази раҳбари О.Мавлонов. – Улар энди ўзларидаги ҳаёжонни босиб, фикрларини равон ифода эта олишади. Ҳозирча натижа ёмон эмас. Лекин бу каби тадбирларни кўпайтириш орқали лидерларнинг билим ва кўникмасини юксалтириб боришимиз даркор.  

Тадбирда “Yoshlar­ - kelajagimiz” ва “Ҳар бир оила – тадбиркор” Давлат дастури ҳамда партия дастурий мақсад вазифалари ҳақида ёшларга батафсил малумотлар берилди.

O‘zLiDeP Қашқадарё вилоят

Кенгаши матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!