O‘zLiDeP “Ғиждувон” эркин иқтисодий зонаси тўла қувват билан ишлашига кўмаклашади

26.09.2018, 10:30

O‘zLiDeP “Ғиждувон” эркин иқтисодий зонаси тўла қувват билан ишлашига кўмаклашади

O‘zLiDeP Ғиждувон туман Кенгашида Президентимизнинг 2017 йил 12 январдаги “Ургут”, “Ғиждувон”, “Қўқон” ва “Ҳазорасп” эркин иқтисодий зоналарини ташкил этиш тўғрисида” ги Фармони ижроси бўйича депутатлик гуруҳининг навбатдаги эшитуви бўлиб ўтди.

– “Ғиждувон” эркин иқтисодий зонасини ташкил этиш учун 67,5 гектар ер майдони ажратилган, – дейди эркин иқтисодий зона дирекцияси директори Х.Жўраев. – 80,8 миллион АҚШ доллари қийматига эга бўлган 28 та лойиҳа бўйича инвестицион лойиҳалар эркин иқтисодий зоналар маъмурий Кенгашининг ишчи гуруҳига тақдим этилган.

Таъкидлаш керак, Юртбошимизнинг 2017 йил март ойида Бухоро вилоятига ташрифи давомида тумандаги собиқ ип йигирув ва пойафзал фабрикалари негизида “Ғиждувон” эркин иқтисодий зонаси ташкил этилган эди.

Давра суҳбатида O‘zLiDeP туман Кенгаши ходимлари ва депутатлари лойиҳаларни ўз муддатида ишга туширишда партиявий воситалар орқали кўмак беришлари лозимлигини таъкидлади.

                                      Шамшод Жафаров

                                            O‘zLiDeP Бухоро вилоят

Кенгаши матбуот котиби

O‘zLiDePнинг Facebook ва Instagramдаги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!

  • Кўрилди
    660
  • Чоп этиш
  • Дўстлар билан улашиш
← Орқага қайтиш

Билдирилган фикрлар

М.Рахматова-Халқ депутатлари Ғиждувон туман Кенгаши депутати2018-09-27 15:16:51

Биз халқ депутатлари Ғиждувон туман Кенгаши депутатлари "Ғиждувон" эркин иқтисодий зонасида амалга оширилаётган лойиҳаларнинг тезда ишга тушиб аҳолимизни иш билан таъминлашдаги фаолиятини кўллаб-қувватлаймиз.


Ф.Шаропов-Иқтисодиёт ва ҳудудларни коплекс ривожлантириш Ғиждувон туман бўлими бошлиғи2018-09-26 18:12:44

Ўзбекистон Республикаси Президентининг 2017 йил 12 январдаги “Ургут”, “Ғиждувон”, “Қўқон” ва “Ҳазорасп” эркин иқтисодий зоналарини ташкил этиш тўғрисида” ги ПФ-4931 сонли Фармонининг ижросини туманда бажарилиши масаласининг O‘zLiDeP туман Кенгаши ташаббуси билан депутатлик гуруҳида бир неча бор кўриб чиқилганлиги “Ғиждувон” эркин иқтисодий зонасида амалга оширилаётган ишларга туртки бўлди.


Жўрабек Жўраев-“Ғиждувон” эркин иқтисодий зонаси бўлим мудири2018-09-26 18:03:25

“Ғиждувон” эркин иқтисодий зонасини ташкил этишда бизга елкадош бўлиб, лойиҳаларни амалга ошишида учраётган муаммоларни ҳал этилишида жонбозлик кўрсатиб келаётган O‘zLiDeP туман Кенгашига ва депутатларига миннатдорчилик билдираман.


Ш.Тоғаев-партия фаоли2018-09-26 17:56:32

Тадбиркорлар ва ишбилармонлар юрти бўлган Ғиждувонда эркин иқтисодий зонани ташкил этилилаётганлиги учун аввало Президентимизга ва партиямизнинг туман кенгаши фаолларига раҳматлар бўлсин.


Қ.Тошев-Ғиждувон тумани Соктари МФЙ БПТ раиси2018-09-26 17:53:03

Биз партия фаоллари “Ғиждувон” эркин иқтисодий зонасини тез фурсатларда ишга тушириш тарафдоримиз. Партиямиз юқори органлари томонидан шу масалада қандай кўрсатма ва топшириқлар бўлса бекаму-кўст бажаришга астойдил тайёрмиз.


Олимжан Умаров-Халқ депутатлари Ғиждувон туман Кенгаши депутати2018-09-26 17:47:19

Ш.Мирзиёевнинг эътиборлари билан аҳоли сони жиҳатидан кўп бўлган Ғиждувон туманида эркин иқтисодий зонанинг ташкил этилаётганлиги аҳолимизнинг чексиз қувончи бўлди. Айниқса йирик корхона ҳисобланган Ғиждувон ип-йигирув ва тўқув фабрикасининг ва пой афзал фабрикасининг қайта ишга туширилиши аҳолимиз руҳиятини янада оширди. Бунинг учун Президентимизга катта раҳмат.


Ш.Ғайбуллаев-Халқ депутатлари Ғиждувон туман Кенгаши депутати2018-09-26 17:36:47

Туманда эркин иқтисодий зонанинг ташкил этилиши туманимиз аҳолисининг турмуш-шароитини янада яхшилашга қаратилган катта имконият эканлигини ҳис этиб, бу ишда ўзимизни камарбаста деб биламиз


Ғ.Пўлотов-O‘zLiDeP Ғиждувон туман Кенгаши аппарати раҳбари2018-09-26 17:29:34

Муҳтарам Президентимиз Шавкат Миромонович Мирзиёевнинг 2017 йил 12 январдаги “Ургут”, “Ғиждувон”, “Қўқон” ва “Ҳазорасп” эркин иқтисодий зоналарини ташкил этиш тўғрисида” ги Фармонлари Ғиждувон тумани аҳолиси учун катта туҳфа бўлди десак хато қилмаймиз, чунки туманда ишлаб чиқаришни ривожлантириш, хорижий инвестицияларни киритиш, бўш иш ўринларини ташкил этиш бўйича катта қадам ташланганлиги билан аҳамиятлидир. O‘zLiDeP туман Кенгаши, депутатлик гуруҳи ва партиямиз фаоллари бу ишда ўзини масъул деб билиб иш жараёнларини тезда амалга ошишида жонбозлигини кўрсатади.


Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+