O‘zLiDeP энг яхши теримчиларни рағбатлантирди
27.09.2018, 09:59
“Ҳеч бир чаноқ нес-нобуд бўлмасин!” шиори бугун андижонликлар қалбида чўғ бўлиб ёнмоқда. Айниқса, ушбу шиор остида O‘zLiDeP вилоят Кенгаши томонидан тарғибот-ташвиқот гуруҳининг ташкил этилгани фермерларга янада кўтаринкилик бағишламоқда.
Биринчи теримнинг илк илғорлари партиямиз фаоллари эканлиги кишини хурсанд қилади. Жумладан, Булоқбоши тумани Сарбонтепа массивида жойлашган “Сарбонтепа Фахри” ва Қўрғонтепа туманидаги “Шамшод Чашмаси” фермер хўжалиги туманда давлат режасини ортиғи билан бажаргани фикримизнинг яққол тасдиғидир.
O‘zLiDeP мутасаддиларидан иборат тарғибот гуруҳи мазкур фермер хўжаликлари пахта майдонларида бўлиб, мавсумда илғорлиги, ғайрати билан бошқа теримчиларга ибрат бўлган меҳнаткашларга эсдалик совғалари ва ташаккурномалар тақдим этди.
– Шу кунга қадар ишсиз эдим, – дейди “Шамшод Чашмаси” фермер хўжалиги теримчиси Дунё Исмоилова. – Ҳозир ҳар куни 100 килограммдан зиёд пахта териб, ўз вақтида кунлик терим пулларини оляпмиз. Оиламга даромад олиб кирганимдан хурсандман. Бизнинг меҳнатларимизни рағбатлантирган партия фаолларидан миннатдормиз.
Шуҳратбек БОЗАРОВ,
O‘zLiDeP Андижон вилоят
Кенгаши ҳузуридаги
сиёсий таълим маркази раҳбари
O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!
Ўхшаш янгиликлар
-
Ўзбекистон-Тожикистон: абадий дўстлик ришталарини мустаҳкамлаб
23.04.2024, 14:17
-
Келажак авлодга муносиб иш ўринини яратиш бугунги давр талаби
21.04.2024, 14:19
-
Туман ёшларининг молиявий саводхонлиги оширилди
21.04.2024, 14:14
-
Сайхунободлик ёшларга бизнеснинг сир-асрорлари ўргатилди
21.04.2024, 13:52
-
Чекка қишлоқларда яшовчи хотин-қизлар учун тиббий кўрик ташкил қилинди
21.04.2024, 13:50
Фикрингизни қолдиринг