Урганч шаҳридаги 7-сонли умумий ўрта таълим мактабида “Маърифат боғининг боғбони – устоз” мавзусида маънавий-маърифий тадбир бўлиб ўтди. Унда O‘zLiDeP Хоразм вилоят Кенгашининг Сиёсий таълим маркази раҳбари С.Очилов, партия Урганч шаҳар Кенгаши аппарат раҳбари Д.Жуманиязовлар шарафли касб эгалари бўлмиш устоз-мураббийларни 1-октябр Ўқитувчи ва мураббийлар куни байрами муносабати билан қутладилар.

- 33 йилдан бери шу мактабда ишлаб келмоқдаман, - дейди ўқитувчи Хадича Рахимова. – Партия билан ҳамкорликда тадбирлар, учрашувлар ва турли мавзулардаги очиқ мулоқотлар ўтказиб келамиз. O‘zLiDeP Хоразм вилоят Кенгаши ходимлари томонидан биз, устозларга билдирилган эътибордан жуда хурсандман. Келгусида биз тарбиялаётган фарзандларимиз ҳам сиёсий жиҳатдан етук, билимли, доно, дунёқараши кенг бўлишига ишонаман.

Тадбирда партиямиз фаоллари бўлган устоз-мураббийларнинг бир гуруҳига O‘zLiDeP вилоят Кенгашининг ташаккурномаси ва эсдалик совғалари топширилди.  

O‘zLiDeP Хоразм вилоят

Кенгаши матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!