Халқ депутатлари Бектемир туман Кенгашидаги O‘zLiDeP депутатлик гуруҳи томонидан аҳоли ва тадбиркорларни ўйлантириб келаётган  муаммоларини жойида ҳал этиш мақсадида мутасадди ташкилот вакиллари иштирокида давра суҳбати бўлиб ўтди.

Унда O‘zLiDeP Сиёсий Кенгаши Ижроия қўмитаси, партия Тошкент шаҳар ва туман Кенгаши ходимлари, бир қатор мутасадди ташкилот вакиллари ҳамда маҳалла фаоллари ва тадбиркорлар иштирок этди.

Дастлаб партия депутатлари туманда инвестиция лойиҳаларининг амалга оширилиши, “Обод маҳалла”, “Ҳар бир оила ­­­- тадбиркор” ва “Yoshlar - kelajagimiz” дастурлари доирасида олиб борилаётган ишлар хусусида батафсил маълумот беришди.

Мулоқотда ўз ечимини кутаётган муаммолар кўтарилар экан, мутасаддилар масъулиятни ҳис этган ҳолда бу масалаларга жиддий ёндошишлари ва уларни ҳал этишда партия депутатлик гуруҳи ҳамкорликда ишлашга доимо тайёр эканлиги таъкидланди.

Йиғилишда маҳалла фаоллари томонидан кўтарилган 2 та, тадбиркорлар томонидан кўтарилган 3 та масалала тегишли ташкилотларга йўналтирилди ва уларни ҳал этилиши бўйича депутатлар ўз назоратига олишди.

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!