O‘zLiDeP Қорақалпоғистон Республикаси Кенгаши томонидан “Депутатликка қадар йўл” мавзусида Кегейли маиший хизмат кўрсатиш касб-ҳунар коллежида ёшлар билан учрашув бўлиб ўтди.

Унда партиянинг Қорақалпоғистон Республикаси Кенгаши ходимлари, Халқ депутатлари туман Кенгашидаги O‘zLiDeP депутатлик гуруҳи аъзолари, тегишли соҳа вакиллари ва коллеж ёшлари иштирок этди.

Тадбирда асосан ёшларнинг маънавий ва мафкуравий онгни шакллантириш, китобхонлик маданиятни шакллантириш, келажакда депутат бўлишнинг тартиб таомиллари ва унинг масъулияти ҳақида фикр-мулоҳозалар билдирилди.  

Тадбирда иштирок этган Халқ депутатлари Кегейли туман Кенгашидаги партия депутатлик гуруҳи аъзоси Б.Искендеров ёшларга депутат сифатида бугунги кундаги фаолияти, депутатнинг ҳуқуқ ва мажбуриятлари, ваколатлари, халқнинг ишончли вакили сифатида ўзи сайланган ҳудуддаги сайловчилари билан учрашувлари ҳақида маълумот бериб ўтди.

Коллеж ёшлари билан суҳбат жараёнида ёшлар ўзини қизиқтирган саволларга тегишли соҳа вакилларидан атрофлича жавоб олишди. 

O‘zLiDeP Қорақалпоғистон

Республикаси Кенгаши

матбуот хизмати