Давлатимиз раҳбари жорий йил 12 июлдаги Олий Мажлис палаталари, сиёсий партиялар ҳамда Ўзбекистон Экологик ҳаракати вакиллари билан бўлган видеоселектор йиғилишида O‘zLiDeP дастурий вазифалардан келиб чиқиб Иқтисодиёт ва Молия вазирликлари, Инвестициялар бўйича давлат қўмитаси фаолияти устидан парламент ҳамда депутатлик назоратини ўрнатиши ва ҳамкорликни кенг йўлга қўйиш борасида аниқ вазифалар белгилаб берган эдилар.

Ана шу вазифадан келиб чиқиб, Халқ депутатлари Хўжайли туман Кенгашидаги O’zLiDeP депутатлик гуруҳининг йиғилиши бўлиб ўтди. Йиғилишда Хўжайли тумани ижтимоий-иқтисодий ривожлантиришнинг 2017 йил 9 ойлик якунлари юзасидан “Агробанк” ва “Микрокредитбанк” туман филиали бошқарувчилари  ҳисобот берди.

Ҳисоботда таъкидланганидек, жорий йилнинг 9 ойи давомида тадбиркорликни ривожлантириш учун “Агробанк” туман филиали томонидан жами 128 нафар фуқарога 788,4 млн. сўм миқдорида микро кредитлар ажратилди. Жумладан, Президентимизнинг 2016 йил 5 октябрдаги Фармони ижросини бажариш ва аҳолини тадбиркорликка кенгроқ жалб этиш мақсадида чорвачиликни ривожлантириш учун 125 нафар фуқарога 722,4 млн. сўм, иссиқхона қуриш учун 1 фуқарога 4 млн. сўм, паррандачиликни ривожлантириш учун 1 фуқарога 2 млн. сўм, савдо айланма маблағини кўпайтириш учун эса 1 та оилавий корхонага 60 млн. сўм кредит берилди.

Ўтказилган йиғилиш давомида депутатлик гуруҳи вакиллари юқоридаги масалалар бўйича ўзларининг фикр-мулоҳозаларини билдиришди.

O‘zLiDeP Қорақалпоғистон

Республикаси  Кенгаши

матбуот хизмати