Шу кунларда республикамизнинг барча ҳудудларида пахта-йиғим терими уюшқоқлик билан давом этмоқда.

Пахтачи туманидаги “Музаффар” фермер хўжалиги республикамизда давлатга пахта сотиш режасини биринчилардан бўлиб бажарди.

-Далаларда ҳали ҳосил мўл. Айни кунларда ҳосилни ёғин-сочинли кунларга қолдирмасдан териб олиш учун барча кучлар сафарбар этилган,-дейди фермер хўжалиги раиси Лола Намозова. Шу муносабат билан  O‘zLiDeP Пахтачи туман Кенгаши фаоллари фермер хўжалигида бўлишди.

Давлатга пахта топшириш режасини биринчилардан бажарган “Музаффар”  фермер хўжалиги раиси, O‘zLiDeP аъзоси Лола Намозовага партиянинг фахрий ёрлиғи ҳамда совғалари топширилди

-Асосий мақсадимиз ҳам юртимизда жамият ривожи учун ўзининг муносиб улушини қўшиб келаётган ишбилармон фермер аёлларни ҳар томонлама қўллаб-қувватлаш, мамлакатимизда амалга оширилаётган ижтимоий-иқтисодий ислоҳотлар мазмун-моҳиятини аҳолининг кенг қатламларига етказиш орқали уларда тадбиркорлик ва фермерликка бўлган қизиқишини ошириш ҳамда жамиятимизнинг энг илғор қатлами фермер хотин-қизларни ҳар томонлама қўллаб-қувватлашдан иборат, - дейди O‘zLiDeP Пахтачи туман Кенгаши раисининг биринчи ўринбосари-аппарат раҳбари У.Ҳамраев.

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!