O‘zLiDeP Каттақўрғон туман Кенгаши томонидан Каттақўрғон қишлоқ хўжалиги коллежида тадбиркорликка қизиққан ёшлар учун маҳорат дарслари ташкил этилди. Унда тумандаги “Имконият манбаи” МЧЖ корхонаси  раҳбари, O‘zLiDeP фаоли Отабек Раҳмонов ўзининг тадбиркорлик тажрибалари  ҳақида ёшлар билан ўртоқлашди.

- Бугун мамлакатимизда тадбиркорлик соҳасида фаолият бошламоқчи бўлган ёшларга кенг имкониятлар яратилган. “Ҳар бир оила тадбиркор”, “Yoshlar – kelajagimiz” Давлат дастурларида кенг имкониятлар, имтиёзлар берилган.  Бундай имкониятлардан оқилона фойдаланган кишининг келажаги порлоқ бўлади. Фақат кишида хоҳиш, истак ва интилиш бўлса бас, - дейди “Имконият манбаи” МЧЖ корхонаси раҳбари Отабек Раҳмонов.

Ушбу корхона тирикотаж буюмлари ва кийим-кечаклар ишлаб чиқаради. Мазкур кичик корхонада 30 га яқин ишчи-ходимлар меҳнат қилишади. Корхона раҳбари Отабек Раҳмонов изланувчан, интилувчан, ташаббускор тадбиркорлардан. Шу боис “Ёдгорхўжа” сайлов округи аҳли унга ишонч билдириб, халқ депутатлари туман Кенгаши депутатлигига сайлашган. Учрашувда О.Раҳмонов депутатлик фаолияти ҳақида ҳам йиғилганларга маълумот берди. Шунингдек, юртимизда соҳага берилаётган эътибордан фойдаланиб, келажакда тадбиркорлик фаолиятини кенгайтириш ниятида эканлигини айтди. Савол-жавобларга бой бўлган тадбиркор ва ёшлар учрашувидан руҳланган коллеж талабалари келажакдаги орзулари ҳақида гапиришди.

- Мен  тадбир ташкилотчиларига ўз миннатдорчилигимни билдираман. Чунки соҳага қизиқишим баланд. Ушбу тадбирда иштирок этиб, ўзимга керакли маълумотларга эга бўлдим. Ўйлайманки, бугунги тадбирдан олган сабоқларим келажакда менга катта ёрдам беради, - дейди коллеж талабаси Отабек Шомуродов.

Шунингдек тадбирда партия фаоллари томонидан “Yoshlar – kelajagimiz” Давлат дастури бўйича берилаётган имтиёзли кредитлар ҳақида ҳам маълумотлар берилди.

Бахтигул Қаршиева

O‘zLiDeP Самарқанд

вилоят Кенгаши

матбуот котиби

O‘zLiDePнинг Facebook ҳамда Instagram'даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!