O‘zLiDeP Наманган вилоят Кенгаши “Аёллар қаноти” ташаббуси билан тадбиркорликни бошламоқчи бўлган хотин-қизлар иштирокида “Ҳар бир оила – тадбиркор” дастурини амалга ошириш фаолиятимизнинг муҳим қисмига айланмоғи лозим” мавзусида ўқув-семинар ташкил этилди.

Амалий-семинарда тадбиркорлик билан шуғулланиш истагида бўлган аёлларнинг ташаббусларини ҳар томонлама қўллаб-қувватлаш, уларга имтиёзли кредитлар ажратиш ҳамда тадбиркорлик фаолиятини ташкил этишларида мутасадди идоралар томонидан тизимли амалий ёрдам кўрсатилишини таъминлаш борасида сўз юритилди.

Қолаверса, маҳаллаларда тадбиркорлик фаолиятини йўлга қўймоқчи бўлган оилаларни бизнесда ижобий натижаларга эришган тажрибали тадбиркорларга бириктирилиши айтиб ўтилди. Семинар қатнашчиларининг соҳага оид берилган саволларига мутахассислар аниқ жавоблар қайтаришди.

Тадбир иштирокчиларига Наманган шаҳридаги “Текстил либос” ва “8-март” масъулияти чекланган жамиятлари фаолияти ҳақида батафсил маълумотлар берилди. Бунинг натижасида меҳнатда банд бўлмаган, уйда ўтирган 20 нафар опа-сингилларимиз ушбу тўқимачилик корхоналарига ишга қабул қилинди. 

O‘zLiDeP Наманган вилоят Кенгаши

матбуот бўлими

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!