“Халқ депутатлари маҳаллий Кенгашларидаги энг фаол депутат” танловининг Зомин туман босқичи ўтказилди. Танловда Халқ депутатлари Зомин туман Кенгашига O‘zLiDePдан сайланган 7 нафар депутат иштирок этди.

Депутатлар фаолияти халқ ноибларининг партия сайловолди дастуридаги вазифаларнинг бажариши, депутат томонидан депутатлик (жамоатчилик) назоратини амалга оширишдаги фаолияти, сайловчилар билан учрашувлар ташкил этиш ҳамда аҳолидан келиб тушаётган мурожаатларни ҳал этиш каби меъзонлар асосида баҳоланди.

Ҳакамлар ҳайъати хулосасига кўра, Халқ депутатлари Зомин туман Кенгашига 10-Навбаҳор сайлов округидан сайланган депутат Абдусаттор Содиқов Зомин туманининг энг фаол депутати, деб топилди.

Таъкидлаш керак, А.Содиқов жорий йилнинг 9 ойи давомида ўз округидаги сайловчилар муаммоларини ижобий ҳал этиш бўйича тегишли ташкилотларга 12 депутатлик сўрови юборган. Зомин туманида узумчиликни ривожлантириш, узумзорлар ташкил этиш ва томчилатиб суғориш тизимини амалиётга кенг жорий этиш бўйича Халқ депутатлари туман Кенгаши сессиясига 1 та масала киритиб сессия қарори қабул қилинишига эришган. Навбаҳор маҳалласи “Бедазор” кўчасига янги трансформатор ўрнатиш, “Бодомзор”, “Бедазор” кўчаларидаги 6 км йўлни асфальтлаш бевосита депутатимизнинг саъй-ҳаракатлари билан амалга оширилган.

Олим Норжигитов

O‘zLiDeP Жиззахт вилоят Кенгаши

Депутатлик гуруҳлари билан

ишлаш бўлими мудири

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!