Партиянинг Бўка туман Кенгаши “Аёллар қаноти” агросаноат ва транспорт касб-ҳунар коллежида “Давлат ҳокимияти ва бошқарувини демократлаштиришда хотин-қизларнинг ижтимоий-сиёсий фаоллигини оширишнинг устувор йўналишлари” мавзусида семинар ташкил этди.

Тадбирда мамлакатимиздаги сиёсий партияларнинг мақсад ва вазифалари, “Фаол тадбиркорлик, инновацион ғоялар ва технологияларни қўллаб-қувватлаш йили” давлат дастури ижросини таъминлашда партиявий лойиҳаларнинг аҳамияти ҳамда “Ҳар бир оила – тадбиркор”, “Yoshlar – kelajagimiz” Давлат дастурларининг мазмун-моҳияти тушунтирилди.

– Юртимизда амалга оширилаётган ислоҳотлар замирида халқ фаровонлиги ётади, – дейди Тошкент вилоят Кенгаши депутати Б. Жабборова. – Бугунги кунда туманимиз аёллари ҳам воқеа-ҳодисалар, ислоҳотларга бефарқ эмас. Бу эса биз эришган ютуқларимизнинг энг муҳимидир.

Тадбир иштирокчилари хотин-қизларнинг жамиятда тутган мавқеини янада мустаҳкамлаш борасида бажарилиши зарур бўлган ишлар тўғрисида келишиб олишди.

O‘zLiDeP Тошкент вилояти

Кенгаши матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!