O‘zLiDeP Наманган вилоят Кенгаши томонидан “Наманган –автотеххизмат” МЧЖда “Юрт равнақи, аҳоли фаровонлигини ошириш устувор вазифамиздир” мавзуида давра суҳбати ташкил этилди.

Партиянинг 15 йиллиги муносабати билан ташкил этилган тадбирда “Ҳар бир оила – тадбиркор” дастури мазмун-моҳияти, тадбиркорларликнинг сир асрорлари, тадбиркорликни бошлаш бўйича маслаҳат ва тавсиялар берилди.

–“GM Uzbekiston” автомобиллари олди-сотдиси ва уларга техник хизмат кўрсатамиз, – дейди “Наманган-автотеххизмат” МЧЖ директори Зохиджон Камолов. – Шу кунга қадар 257 та автомобил ўз эгаларига етказиб берилган бўлса, яна фуқаролар билан 442 та шартнома имзоладик. Ҳозирда корхонамизда 160 дан ортиқ ишчи меҳнат қилмоқда. 

Тадбирда корхона ишчи-хизматчиларидан 20 нафарига партия аъзолик гувоҳномаси топширилиб, “Наманган-автотеххизмат” МЧЖ қошида партия  БПТ тузилди.

Рустамжон ҲАКИМОВ,

O‘zLiDeP Наманган вилоят

Кенгаши бўлим бошлиғи

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!