“Yoshlar – kelajagimiz” Давлат дастури ёшлар тадбиркорлигини қўллаб-қувватлаш, ёшларни бизнес билан шуғулланишга фаол жалб қилиш, уларнинг бизнес ташаббуслари, стартаплари, ғоялари ва лойиҳаларини рўёбга чиқаришга кўмаклашишда муҳим омил бўлмоқда.

Чунончи мазкур дастур доирасида ҳозирга қадар кўплаб ёшлар тадбиркорлик фаолиятини бошлади, ўз тенгқурларини бандлигини таъминлади. Кегейлилик Айгул Досимбетова ҳам 100 млн. сўм имтиёзли кредит олиб, нон цехини қуриш ниятида.

O‘zLiDeP Кегейли туман Кенгаши ходимлари ва Халқ депутатлари туман Кенгашидаги партия депутатлик гуруҳи аъзоларидан иборат ишчи гуруҳ унинг орзуларини тезроқ амалга оширишга қанот бўлди.

Ташриф чоғида Айгулнинг кредит олишда муаммоси борлиги аниқланди ва шу ернинг ўзида Халқ депутатлари Кегейли туман Кенгашидаги партия депутатлик гуруҳи аъзоси Б.Искандаров ташаббуси билан муаммо жойида ҳал этилди.  

Энди яқин кунларда Айгул ҳам бошқа тенгдошлари қатори ёш тадбиркор сифатида рўйхатдан ўтади. Цех ишга тушгач, 4 нафар кишини доимий иш билан таъминлаш имкони туғилади.

O‘zLiDeP Қорақалпоғистон Республикаси

Кенгаши матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!