OʻzLiDeP Тошкент шаҳар Кенгаши Чилонзор туман Кенгаши билан ҳамкорликда партия ташкил топганининг 15 йиллиги муносабати билан “Баркамол ёшлар – жамият келажаги пойдевори” мавзусида спорт мусобоқасини ташкил этди.

–Ушбу футбол уйингоҳининг очилишини OʻzLiDeP ташкил топганининг 15 йиллигига бағишланган тадбирга режалаштирганимиз бежиз эмас, – дейди Халқ депутатлари Чилонзор туман Кенгашидаги партия депутатлик гуруҳи аъзоси Шерзод Эшназаров. – Чунки бу ўйингоҳни қуришда партиямиздан маҳаллий Кенгашларга сайланган депутатларимиз ҳам фаол иштирок этди. Электоратимиз ҳисобланган – тадбиркорларимизнинг ҳомийлик ёрдами ҳам стадионни тез фурсатда ишга тушишида муҳим омил бўлди.

–Ўғлим 4-синфда ўқийди. Бир ҳафтадан буён “Мактабимизга янги стадион қурилди, очилиш маросимига бормасангиз бўлмайди”, деб қувончи ичига сиғмайди, – дейди ўзини Санжар Ортиқов деб таништирган юртдошимиз. – Бу ишда бош бўлган барча масъулларга ота-оналар номидан ташаккур билдираман.

Тадбир сўнггида ғолиб ва совриндорларга OʻzLiDeP логотипи туширилган кубок ва эсдалик совғалари топширилди.

O‘zLiDeP Тошкент шаҳар

Кенгаши матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!