“Улуғнордавсувмахсуспудрат” қошидаги БПТ 2016 йилда корхона ишчиларининг 5 нафари билан ташкил этилган эди. Ҳозирга келиб уларнинг сони 35 нафарга етди. Қуйи бўғин етакчиси Мохирахон Одилованинг жонкуярлиги билан мазкур таянч нуқтада қатор тадбирлар, давра суҳбатлари ташкил этиб келинмоқда.

Эътиборлиси, янги қабул қилинаётган қарор ва расмий ҳужжатлар билан танишиш, аъзоларнинг сиёсий онги, ҳуқуқий саводхонлигини ошириш мақсадида ўтказилиб келинаётган тадбирларда истиқболли кадрлар заҳираси ҳам бойиб бормоқда.

Партия ташкил топганининг 15 йиллиги муносабати билан ўтказилаётган “Энг намунали бошланғич партия ташкилоти” кўрик-танловининг Улуғнор туман босқичида мазкур қуйи тузилма партия нуфузини оширишда фидойилик қилаётган, партия устав ва мақсадларини жамоатчилик орасида кенг тарғиб қилишда фаоллик кўрсатаётган энг намунали бошланғич партия ташкилоти деб топилди.

–Шунингдек, шу куни “Халқ депутатлари маҳаллий Кенгашларидаги энг фаол депутат” танловининг туман босқичи ҳам якунланди, – дейди партия Улуғнор туман Кенгаши аппарат раҳбари Турдихон Қосимова. – Унда O‘zLiDePнинг Халқ депутатлари туман Кенгашидаги 6 нафар депутати фаолияти батафсил ўрганилиб, вилоят босқичида иштирок этиш учун 21-Янгиобод сайлов округидан Халқ депутатлари Улуғнор туман кенгашига сайланган Умаржон Абдуллаев номзоди тавсия этилди.

Танловда таянч бўғинлар ва депутатларнинг фаолияти атрофлича таҳлил қилинди, ютуқлари эътироф этилиб, камчиликларини тўғрилаш учун маслаҳат ва тавсиялар берилди.

Саидолим ТЎРАХЎЖАЕВ,

O‘zLiDeP Андижон вилоят Кенгаши

БПТ билан ишлаш гуруҳи раҳбари

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!