O‘zLiDeP Бухоро вилоят Кенгаши партия ташкил топганининг 15 йиллиги муносабати билан “Янги авлод кадрлари” лойиҳаси доирасида тадбир ташкил этди.

Тадбирда ёш, малакали, янгича фикрлайдиган, эл-юрт келажагига бефарқ бўлмаган раҳбар кадрлар захирасини яратиш, ташаббускор навқирон йигит-қизларни партия сафига жалб қилиш борасида партия томонидан тизимли ишлар олиб борилаётгани таъкидланди. 

– Мамлакатимиз тараққиёти, унинг жаҳон ҳамжамиятида муносиб ўринга эга бўлиши кўп жиҳатдан бугунги ёшларнинг билим-тафаккурига боғлиқ, – дейди O‘zLiDeP Бухоро вилоят Кенгаши раиси ўринбосари Жасур Болтаев. – Боиси, илмга чанқоқ, юртни севадиган ёшларни партиямиз сафига қўшилиши чинакамига янгича руҳ, янгича нафас олиб киради. Шу боис, партиямиз ҳам бундай ғайратли ёшларни қўллаб-қувватлаб, уларга катта ишонч билдирмоқда.

Тадбир сўнггида  партиявий ишларни ташкил этишда давр талабларига жавоб бера оладиган, етарли билим ва малакага эга бўлган 20 нафарга яқин йигит-қиз O‘zLiDePнинг истиқболли кадрлар захирасига олинди.

Азиз ҲАКИМОВ,

O‘zLiDeP Бухоро вилоят

Кенгаши бўлим мудири

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!