Жиззахда O‘zLiDeP ташкил топганининг 15 йиллиги муносабати билан “Энг намунали туман (шаҳар) партия ташкилоти”, “Энг намунали бошланғич партия ташкилоти” ва “Халқ депутатлари маҳаллий Кенгашлардаги энг фаол депутат” танловининг вилоят босқичи бўлиб ўтди.

Танловда сўз олган Олий Мажлис Қонунчилик палатаси депутати, O‘zLiDeP фракцияси аъзоси Нодир Ражабов 15 йил олдин партиянинг таъсис этилиши, илк қадамлар, аҳоли орасида либерал-демократик ғояларини тарғиб қилиш жараёнлари ҳақида гапирди ва барчани қутлуғ сана билан муборакбод этди.

Шундан сўнг, танловнинг 3 та номинацияси бўйича ғолиб ва совриндорлар аниқланди.

Якуний натижаларга кўра, “Roison Home White Goods” корхонаси қошидаги БПТ “Энг намунали бошланғич партия ташкилоти”, Халқ депутатлари вилоят Кенгаши депутати Бозоргул Тўраева “Халқ депутатлари маҳаллий Кенгашларидаги энг фаол депутат”, партия Шароф Рашидов туман Кенгаши    эса “Энг намунали туман(шаҳар) партия ташкилоти” деб топилди.

Шунингдек, “Депутатлик назоратини самарали олиб борган депутат”, “Одамларга яқин бўлган депутат”, “Тадбиркорлар билан самарали ҳамкорликни йўлга қўйган туман Кенгаши”, “Ёшлар қаноти”  фаолиятини самарали йўлга қўйган туман Кенгаши”, “Аёллар қаноти” фаолиятини самарали йўлга қўйган туман Кенгаши” каби қатор номинациялар бўйича ғолиблар ҳам аниқланди.

                   Саида УМАРАЛИЕВА,

O‘zLiDeP Жиззах вилоят Кенгаши

матбуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!