O‘zLiDeP Кармана туман Кенгаши “Тадбиркорлар ва ишбилармонлар ҳаракати – Ўзбекистон Либерал-демократик партияси – 15 йил халқ хизматида” китоби тақдимотига бағишланган тадбир ташкил этди.  

Тадбирда сўз олган  O‘zLiDeP вилоят Кенгашининг раҳбари Камолиддин Йўлдошев йиғилганларни партиянинг 15 йиллик байрами  билан самимий муборакбод этиб, ўтган давр мобайнида партия томонидан ҳаётга татбиқ этилган ишлар хусусида тўхталиб ўтди.

Шундан сўнг, қишлоқ хўжалиги ходимлари куни олдидан “Илғор фермер” кўкрак нишони билан тақдирланган партиямиз аъзоси “Воҳид-Мусо” фермер хўжалиги раиси Юлдуз Ярқулова ва “Намунали томорқачи” давлат мукофоти соҳибаси Райҳон Саидованинг меҳнат фаолияи, тадбиркорлик ва фермерлик соҳасида эришган ютуқлари ўрганилди.

Қайд этилганидек, 2002 йилда фермерлик соҳасига қадам қўйган Юлдузхон опа ҳозирда тухум, гўшт, иссиқхона, асаларичилик билан шуғулланиб, 10 гектар ерда пахта ва ғалла етиштириб келмоқда. Илғор тадбиркор Райҳон Саидова эса иссиқхона, бролер товуқчилик, лимонария, қорамол ва йилқичилик ортидан улкан муваффақиятларга эришган.  

Тадбирда илғор фермер ва тадбиркорлар O‘zLiDeP вилоят Кенгаши ҳамда “Кармана машҳураси” ўқув маркази томонидан ташаккурнома ва эсдалик совғалар билан тақдирланди.

O‘zLiDeP Навоий вилоят

 Кенгаши матбуот хизмати