O‘zLiDeP хоразмлик 2 нафар тадбиркорга 54 миллион сўм имтиёзли кредит олиб берди
12.12.2018, 15:57
Хабарингиз бор, жорий йилда O‘zLiDeP Сиёсий Кенгаши Ижроия қўмитаси ташаббуси билан партиянинг ижтимоий тармоқлардаги гуруҳлари фаолият бошлаган эди. Айни чоғда мазкур гуруҳлар аҳоли томонидан келиб тушаётган мурожаатларни атрофлича ўрганган ҳолда, уларга ижобий ечим топиб келяпти.
Урганч шаҳрида яшовчи Сардор Зарипов “Ҳар бир оила – тадбиркор” дастури доирасида имтиёзли кредит олиб, тадбиркорлик фаолиятини бошламоқчи эди. Лекин ортиқча ҳужжатбозлик, “югур-югурлар” Сардорни чарчатди. Охир-оқибат у O‘zLiDeP вилоят Кенгашига мурожаат қилди. Партия етакчилари муаммони атрофлича ўрганиб, С.Зариповга “Асака банк” Хоразм вилоят филиалидан 27 млн. сўм имтиёзли кредит олиб берди.
Орадан кўп вақт ўтмай, Сардор нон ва нон маҳсулотлари ишлаб чиқарадиган печ олиб, Урганч шаҳрида ўз цехини ташкил этди. Маҳалласидаги 2 нафар ишсиз ёшни иш билан таъминлади. Ҳозирда ёш тадбиркор кунига 1000-1500 дона нон ва нон маҳсулотлари ишлаб чиқариб вилоятдаги бир қатор МТМ ва шифохоналарга етказиб бермоқда.
– “Ҳар бир оила – тадбиркор” давлат Дастури аҳолига ўз мақсадларини рўёбга чиқаришга катта ёрдам беряпти, – дейди O‘zLiDeP вилоят Кенгаши бўлим мудири Дониёрбек Каримов. –Масалан, яқинда Урганч тумани “Катта боғ” маҳалласида яшовчи Наврўз Хасанов ўз томорқасида иссиқхона барпо этиш учун имтиёзли кредит олишда кўмак сўраган эди. Орадан бир ҳафта ўтмай, фуқарога “Халқ банки” Урганч туман филиалидан 27 млн. сўм имтиёзли кредит олиб бердик.
Нилуфар ДЖАББАРОВА,
O‘zLiDeP Хоразм вилоят
Кенгаши матбуот котиби
Ўхшаш янгиликлар
-
“Энг яхши бизнес режа” танлови ғолиблари тақдирланди
18.01.2024, 17:11
-
Хизмат кўрсатиш салмоғи ортмоқда
17.01.2024, 16:31
-
140 турдаги мебел маҳсулотлари ишлаб чиқараётган O'zLiDeP фаолининг йиллик даромади 11,4 млрд. сўмни ташкил этади
06.10.2023, 14:02
-
Депутатлар тадбиркорларнинг таклифларини ўрганди
29.09.2023, 15:46
-
Тадбиркорлар муваффақиятга эришиш сирлари билан ўртоқлашди
22.09.2023, 15:17
Фикрингизни қолдиринг