O‘zLiDeP Хоразм вилоят Кенгаши Боғот туман Кенгаши билан ҳамкорликда “Xorazm tex” МЧЖ қошидаги БПТда Президентимизнинг Бош қомусимиз қабул қилинганининг 26 йиллигига бағишланган тантанали маросимидаги маърузаси мазмун-моҳиятига бағишланган давра суҳбати ташкил этди.         

Унда Халқ депутатлари вилоят Кенгашидаги O‘zLiDeP депутатлик гуруҳи аъзолари, партия вилоят Кенгаши ходимлари, БПТ раислари, тадбиркор ва ишбилармонлар, фермерлар иштирок этди.

– Маърузада мамлакатимиз иқтисодий салоҳиятини ривожлантириш, тадбиркорлик, ишлаб чиқаришни ривожлантираётган ҳар бир шахсга кенгроқ шароит яратиш бўйича муҳим вазифалар баён қилинган, – дейди “Xorazm tex” қошидаги қуйи бўғин етакчиси Зулфия Пираддинова. – Ушбу маърузада билдирилган ҳар бир фикр биз, тадбиркорлар, қолаверса, энди тадбиркорлик фаолиятини бошлаган ёшларга ҳам катта ёрдам беради. Шу боис, тадбир давомида маърузанинг мазмун-моҳиятини ҳар бир ходимимизга тушунтиришга ҳаракат қилдик.

Таъкидлаш керак, йилига 2400 тонна ип-калава ишлаб чиқариш қувватига эга мазкур корхонада 200 нафар ишчи-ходим меҳнат қилмоқда. Корхона жорий йилнинг ўтган 11 ойи давомида Россияга 2 млн. 476 минг АҚШ доллари миқдоридаги маҳсулот экспорт қилган.

Султонбой ОЧИЛОВ,

O‘zLiDeP Хоразм вилоят Кенгаши

сиёсий таълим маркази раҳбари