O‘zLiDeP Қорақалпоғистон Республикаси Кенгаши бир қатор ташкилотлар билан ҳамкорликда Нукус шаҳрида Ўзбек Жанг санъати бўйича мусобақа ўтказди.

Унда Ўзбекистон “Ўзбек Жанг санъати” Федерацияси раиси, “Ўзбекистонда хизмат кўрсатган спорт устаси” Пўлат Усмонов, Федерацияси вице-президенти, O‘zLiDeP депутатлик гуруҳи аъзоси Бобиржон Расулев ҳамда Қорақалпоғистон Республикаси Жисмоний тарбия ва спорт вазири Ғайратбай Байниязовлар иштирок этди.

Мусобақада Қорақалпоғистон Республикасининг барча ҳудудларидан ташриф буюрган ёш спортчилар катнашди. Спортчиларнинг чиқишлари, яккама-якка жанглари ҳакамлар ҳайъати ва йиғилганларда катта таассурот қолдирди.  

Тадбир якунида ғолиб ва совриндорлар ташкилотчилар томонидан димлом ва эсдалик совғалари билан тақдирланди.

                                  O‘zLiDeP Қорақалпоғистон

Республикаси Кенгаши

 матбуот хизмати