Хабарингиз бор, Ўзбекистон ёшлар иттифоқи йил давомида давлат ва жамият ҳаётининг турли жабҳаларида фидокорона меҳнат қилаётган, соҳа ривожига улкан ҳисса қўшиб келаётган, ватанпарвар ёшларни турли номинациялар бўйича рағбатлантириб боради.

Айтиш жоиз, 14 ёшга тўлган, 30 ёшдан ошмаган ёшларга оид давлат сиёсати, иқтисодиёт ва қишлоқ хўжалиги, фан-таълим ва ижтимоий йўналишлар ҳамда санъат, маданият, журналистика ва спорт соҳаларида юксак натижаларга эришиб, мукофотланганлар орасида касбилик ёш фермер Акмал Оромов ҳам бор.

–Ушбу мукофот 2017 йилда эришган ютуқларимни давоми бўлди, – дейди Акмал Оромов. – Айнан шу йили O‘zLiDeP томонидан  ўтказилган “Ёш фермер” кўрик-танловида ғолиб бўлган эдим. Муваффақиятларимнинг йилма йил бардавом бўлишига фаолиятимни партиямиз томонидан қўллаб-қувватлашида деб биламан. Энди билдирилган ишончи оқлаб, халқ фаровонлиги учун астойдил меҳнат қиламан.

Маълумот учун, мазкур мукофотни беришда ёшлар фаолият кўрсатаётган соҳасидан келиб чиқиб, йил давомидаги иш самарадорлиги, тизим ёки соҳани ривожлантиришга қўшган ҳиссасига эътибор қаратилади.

Маъмуржон АБДУЛЛЕВ,

                                                                O‘zLiDeP Қашқадарё вилоят Кенгаши

 бўлим мудири