Халқ депутатлари Бухоро шаҳар Кенгашидаги O‘zLiDeP депутатлик гуруҳи аъзоси Н.Хамдамов халқ билан мулоқот қилиш, одамларни қийнаётган муаммоларни ўрганиш ва уларни ҳал этиш чораларини кўриш мақсадида жойларга тушиб, аҳоли билан юзма-юз мулоқот қилди. 

Ўрганишлар давомида шаҳардаги М.Наршахий, А.Навоий, Кўкалдош, Жалол Икромий, Жўбор, Бунёдкор, Навбаҳор, Намозгоҳ, Ойбек, А.Сифатимуний МФЙдаги хонадонларда бўлиб, аҳоли турмуш даражаси билан танишди.

–Очиғи, депутат ташрифидан жуда хурсанд бўлдик, – дейди “А.Сомий” кўчаси 45-уй, 67 хонадонда яшовчи 2-гуруҳ ногирони Ирода Усмонова. – Чунки депутатимиз ҳолимиздан хабар олиш баробарида бизга турли совға-саломлар улашди. Бунинг учун халқ ноибларидан миннатдормиз.

Таъкидлаш керак, мулоқотлар давомида ҳудуддаги 65 хонадонга озиқ-овқат маҳсулотлари тарқатилди, 35 та хонадон соҳибларига молиявий ёрдам кўрсатилди.

Зарифа САФАРОВА,

Халқ депутатлари

Бухоро шаҳар

Кенгашидаги O‘zLiDeP

депутатлик гуруҳи

 ижрочи котиби