Халқ депутатлари Наманган шаҳар Кенгашидаги O‘zLiDeP депутатлик гуруҳи аъзоси Маъруфжон Мўминов халқ ишончини қозонган депутатлардан. Чунки у ҳар куни халқ дарду ташвиши билан яшайди, уйма-уй юриб одамларни қийнаётган муаммоларни ҳал этади.

Шунингдек, депутат сифатида мамлакатда янги қабул қилинаётган қонунларни жойларда тарғиб қилиш, аҳолининг ҳуқуқий маданиятини ошириш, электорат манфаатларини ҳимоя қилиш, аҳоли бандлигини таъминлашдек хайрли ишларда алоҳида жонбозлик кўрсатиб келади.

Шу боис, халқ вакили ушбу хизматлари учун Халқ депутатлари шаҳар Кенгашидаги партия депутатлик гуруҳи раҳбари, Наманган шаҳар ҳокими Шавкат Абдураззоқов томонидан “Адолатли депутат” деган сертификат билан тақдирланди.

Маълумот учун, М.Мўминов O‘zLiDeP Сиёсий Кенгаши Ижроия қўмитаси томонидан ташкил этилган “Энг намунали депутат” кўрик-танловининг Республика босқичида фахрли 2-ўринни қўлга киритган.

Юлдуз ЮЛДАШЕВА,

O‘zLiDeP Наманган вилоят

Кенгаши матбуот котиби