OʻzLiDeP Тошкент шаҳар Кенгаши 14 январь – “Ватан ҳимоячилари куни” муносабати билан “Ватан – муқаддас, уни ҳимоя қилиш шарафли бурчдир!” мавзуида тадбир ташкил этди. 

Тадбирда кейинги йилларда миллий армияни изчил қуриш ва ислоҳ этиш Қуролли Кучларнинг қиёфаси, ташкилий тузилиши, қўшинларни бошқариш тизими, ҳарбий кадрларни тайёрлашни тубдан ўзгартиришга, қўшинларни қурол-аслаҳа ва техниканинг энг янги намуналари билан таъминлашга имкон бергани таъкидланди.  

–Ватанни ҳимоя қилиш – Ўзбекистон Республикасининг ҳар бир фуқорасини бурчи ҳисобланади, – дейди кичик сержант Лобар Оҳунова. – Зеро, ватан – муқаддас, уни ҳимоя қилиш шарафли бурчдир. Шу боис, ватанимиз ҳимояси йўлида хизмат қилаётганимдан жудаям фахрланаман.

Тадбирда ёшларни ватанпарварлик, миллий анъана ва қадриятларимизга ҳурмат руҳида тарбиялаш, маънавий етук ва жисмонан соғлом баркамол авлодни вояга етказиш бугунги куннинг муҳим вазифаларидан бири экани қайд этилди.

Муроджон ЎРИНОВ,

 OʻzLiDeP Тошкент

шаҳар Кенгаши

 матбуот котиби