Олтинкўл туманидаги “Ижтимоият” маҳалласи аҳлини қийнаётган муаммолар кўп. Шулардан бири ҳудуддаги қабристон йўлини таъмирлаш керак. Ҳар кимнинг бошида бор савдо қай хонадонда содир бўлса, бор қийинчилик жаноза эгалари-ю қўни-қўшнига бўлади. Йўлнинг ўнқир-чўнқиридан, ёмғир-қорда эса лойгарчиликдан ҳамма зада.

Маҳалла аҳлидан мурожаат келиб тушгач, партия туман Кенгаши масъуллари уни атрофлича ўрганди. Аҳоли ҳақ. Тан олиш керак, масалага ечим топиш осон бўлмади. Албатта, депутат ёрдамга келди.

–Бугун ушбу маҳалла аҳолисининг мамнунлигидан ўзимиз ҳам қувондик, – дейди O‘zLiDeP туман Кенгаши раиси Бегали Азимов. – Тўғри, аслида тумандаги барча муаммоларни бирдек қамраб олишимиз мушкул. Шунинг учун мурожаатларни ўрганиб, имкони қадар энг чекка ҳудудларгача кириб боришга ҳаракат қиляпмиз.

 Раис ҳақ. Гўдак йиғламаса, унга сут тутилмайди. Фуқаролар мурожаат қилганларидан хурсанд. Аммо депутатлик сўрови билан тумандаги масъул ташкилот орқали тез фурсатда ҳал этилган масала шу кунгача имкон тополмагани ачинарли.

Зилола РАҲМОНОВА,

O‘zLiDeP Андижон вилоят

Кенгаши матбуот котиби