O‘zLiDeP Қорақалпоғистон Республикаси Кенгаши ёшлар ўртасида “O‘zLiDeP кубоги” учун заковат интеллектуал ўйинини ўтказди.

Бундан кўзланган мақсад – ёшларни ватанпарварлик, миллий анъана ва қадриятларимизга ҳурмат руҳида тарбиялаш, маънавий етук ва жисмонан соғлом баркамол авлодни вояга етказишдан иборат.

–Ёшлар онги ва қалбида мустақиллик ғояларига содиқлик, миллий ўзликни англаш, Ватанга муҳаббат ва унинг тақдирига дахлдорлик, фидойилик ҳиссини қарор топтириш муҳим вазифалардан саналади,– дейди O‘zLiDeP Қорақалпоғистон Республикаси Кенгаши аппарат раҳбари Ш.Отемисов. –Бу борада ёшларнинг илмий ва бадиий китоблар, жумладан, электрон асарларни ўқишга бўлган қизиқишини янада ошириш жуда муҳим. Бундай беллашувлар эса уларнинг сиёсий ва ҳуқуқий билимларини ошириш баробарида китоб билан ошно, дўст қилишда яхши самара беради.

–Бу каби уйинлар биз ёшларнинг ўз устимизда тинмай изланишга, кўпроқ билан билан ошно бўлишга, билим ва савиямизни янада оширишда муҳим аҳамиятга эга, – дейди И.Бердимуратов. – Уйинда коллеж ёшларидан ташкил топган 11 та жамоа ўзаро беллашди.

Муросасиз кечган баҳсларда ғолиб жамоалар аниқланиб, партия томонидан фахрий ёрлиқ ва эсдалик совғалари билан тақдирланди.

 O‘zLiDeP Қорақалпоғистон Республикаси

Кенгаши матбуот хизмати