Самарқандлик депутатимиз меҳнат фахрийлари ҳолидан хабар олди

06.05.2019, 15:15

Самарқандлик депутатимиз меҳнат фахрийлари ҳолидан хабар олди

Самарқанд тумани “Андижоний” маҳалласида яшовчи халқ таълими аълочиси Патти ая Холова қарийб 40 йил ҳудуддаги 39-сонли мактабга ўқувчиларга дарс берди. Айни пайтда у фарзандлари, невара ва чеваралари ардоғида кексалик гаштини сурмоқда.

O‘zLiDeP Самарқанд туман Кенгаши раиси, халқ вакили Абудужаббор Умаров 9 май – Хотира ва қадрлаш куни муносабати билан Патти ая хонадонида бўлиб, унинг ҳолидан хабар олди.

–“Дунёда энг улуғ касб қайси?” десалар ҳеч иккиланмай “ўқитувчилик” деб жавоб бераман. Чунки бу касб боғбондек гап. Боғбон дарахтлари ҳосилга кирганда қандай суюнса, ўқитувчи ҳам шогирдлари мувафақиятидан шундай хурсанд бўлади. Мен бугун шогирдим А.Умаровнинг эришган ютуқлари билан фахрланаман, – дейди П.Холова.

Меҳнат фахрийси, 90 ёшли Насрулло Нарзуллаев ҳам кўп йиллар давомида ёшларга сабоқ берган.

–Юртимиздаги барча ўзгаришлар, тараққиёт тинчлик туфайлидир. Доим дуога қўл очганда, Ватанимизга тинчлик-осойишталик сўрайман.  Фарзандларимиз, шогирдларимиз, ёшларимиз яратилган шарт- шароитлардан оқилона фойдаланиб, юрт равнақи учун хизмат қилсин, – дейди Н.Нарзуллаев.

Таъкидлаш керак, депутат шу куни меҳнат фахрийси, миришкор деҳқон Абдулхафиз Раҳмонов хонадонида ҳам бўлиб, отахонга эсдалик совғалар туҳфа қилди.

 Бахтигул   ҚАРШИЕВА,

O‘zLiDeP Самарқанд вилоят

Кенгаши матбуот котиби

  • Кўрилди
    514
  • Чоп этиш
  • Дўстлар билан улашиш
← Орқага қайтиш

Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+