Қашқадарёда “Ёш архивчилар форуми” ўтказилди
12.06.2019, 07:44
Қашқадарё вилояти Шаҳрисабз шаҳрида 9 июнь – Халқаро архивлар куни муносабати билан “Ёш архивчилар форуми” ўтказилди.
Вазирлар Маҳкамаси ҳузуридаги “Ўзархив” агентлиги, Қашқадарё вилоят архив иши ҳудудий бошқармаси, вилоят ҳокимлиги ҳамда O`zLiDeP вилоят Кенгаши ҳамкорлигида ташкил этилган форумда 100 дан ортиқ ёш архивчилар қатнашди.
“Форумни бежизга айнан Шаҳрисабз шаҳрида ташкил этмадик. Чунки архив иши бевосита тарихга боғлиқ. Шундай экан мозийни эслатиб турувчи кўҳна ва бетакрор Шаҳрисабз шаҳри ёш архивчиларимизга ҳам маданий, ҳам маънавий озуқа беришига ишончим комил. Форумдан кўзланган мақсад эса Президентимиз томонидан илгари сурилган 5 та муҳим ташаббусни кенг тарғиб қилишдир”, – дейди O`zLiDeP Қашқадарё вилоят Кенгаши раиси, вилоят Архив иши бошқармаси бошлиғи Шуҳрат Турсунов.
Форум Шаҳрисабз Маданият саройида ташкил этилган “Билимдон архивчилар” интеллектуал мусобақаси билан давом этди.
“Форум кўтаринки руҳда ва таасуротларга бой тарзда ўтди, – дейди жиззахлик Азиза Файзиева. – Юртимизнинг қадимий масканларидан бири, афсонавий Шаҳрисабз нафақат гўзал ва сўлим табиати, балки тарихий обидалари билан ҳам маълум ва машҳур экан”.
Форум якунида ёш архивчилар ташкилотчилар томонидан диплом ва эсдалик совғалари билан тақдирланди.
Т.ТУРДИЕВ,
O`zLiDeP Қашқадарё вилоят
Кенгаши матбуот котиби
Ўхшаш янгиликлар
-
Талаба-ёшларнинг партия лойиҳаларига қизиқиши ортмоқда
09.04.2024, 19:17
-
Нукуслик ёшларнинг молиявий саводхонлиги оширилди
31.03.2024, 09:59
-
Ёшларнинг молиявий саводхонлиги оширилди
16.03.2024, 14:43
-
Депутат талабаларнинг таълим ва иш билан бандлик йўналишидаги муаммолари билан қизиқди
07.03.2024, 10:48
-
Мактаб битирувчилари ёшлар кичик саноат зонаси фаолияти билан танишди
01.03.2024, 22:10
Фикрингизни қолдиринг