O‘zLiDeP кўмагида 15 нафар коллеж битирувчиси ишли бўлди
23.07.2019, 17:30
O‘zLiDeP Наманган вилоят Кенгаши Чортоқ туманидаги “Келажак сифат текстил” корхонасида “Тадбиркорлик субъектларининг ҳуқуқлари – қонун ҳимоясида” мавзусида очиқ мулоқот ташкил этди.
Тадбирда иштирокчиларга тадбиркорликни янада ривожлантириш бўйича қабул қилинаётган қонун ҳужжатлари мазмун-моҳияти, бизнесни юритиш йўл-йўриқлари, тадбиркор сифатида рўйхатдан ўтиш, солиқ қонунчилиги ва имтиёзлари ҳамда кредит олиш ва уларнинг фоизлари тўғрисида кенгроқ маълумотлар берилди.
Маълум бўлишича, корхона раҳбари Шерзод Огаликов 2016 йилда туманда жойлашган Гулшан қишлоғидаги бўш турган бинони “ноль” қийматида олиб, ўқувчи ва ўқитувчилар учун мактаб формасини тикишни йулга кўйган. Натижада қишлоқдаги 50 нафар хотин-қиз доимий иш билан таъминланган.
–Кейинги йилларда юртимизда тадбиркорликни ривожлантиришга берилаётган эътибор биз тадбиркорларни янада кўпроқ ишлашга ундамоқда, – дейди Ш.Огаликов. – Айни пайтда корхонамизда кунига 100 дона мактаб формаси тайёрланиб, ички бозорга етказиб берилмоқда. Эндиликда партия кўмагида фаолиятимизни янада кенгайтириб, эркаклар камарини ишлаб чикаришни йўлга қўймоқчимиз.
Тадбир якунида иштирокчилар орасидан 15 нафар коллеж битирувчиси “Келажак сифат текстил” корхонасига ишга жойлашди.
Юлдуз ЮЛДАШЕВА,
O‘zLiDeP Наманган вилоят
Кенгаши матбуот котиби
Ўхшаш янгиликлар
-
Ёшларнинг молиявий саводхонлиги оширилди
16.03.2024, 14:43
-
Депутат талабаларнинг таълим ва иш билан бандлик йўналишидаги муаммолари билан қизиқди
07.03.2024, 10:48
-
Мактаб битирувчилари ёшлар кичик саноат зонаси фаолияти билан танишди
01.03.2024, 22:10
-
Ёшларнинг сиёсий саводхонлиги оширилмоқда
24.02.2024, 13:33
-
Депутатлар ва партия фаоллари ёшлар ҳузурида
24.02.2024, 13:21
Фикрингизни қолдиринг