Фракциямиз аъзоси Расул Кушербаев O'zLiDePнинг янгиланган Дастури ва Сайловолди дастури лойиҳалари муҳокамасига бағишланган, турли баҳс ва мунозараларга бой бўлган йиғилишда “снос” масаласига тўхталиб ўтган эди.

“Тадбиркорми, фуқароми айниқса юридик шахсларнинг кўчмас мулкини “снос” қилиш масаласини фақат суд тартибида ҳал қилишга партиямиз олиб чиқса. Ҳокимлар қарорлари билан “снос”га чиқариш ҳуқуқини судга бериш керак. Менимча суд томонидан ўша жараёнда қонунларга тўғри келяптими, йўқми шу масалага аниқ қаралар эди.   Шунда биз тадбиркорларнинг шу йўналишдаги норозиликларининг олдини олган бўлар эдик. Судларга шу ваколатни берайлик. Чунки унинг (тадбиркорнинг – таҳр.) ҳаёт мамотини шу масала ҳал қилади. Бўлди шу билан (тадбиркор) синиб ҳам кетиши мумкин. Шунинг учун бундай жиддий масалани битта қарормас, балки суднинг адолатли ҳукми ҳал қилиши керак. Мана шунга алоҳида эътибор қаратсак яхши бўлар эди, - деди депутат.