O‘zLiDeP кўмагида хўжайлилик ёшлар тадбиркорлар билан тажриба алмашди
20.08.2019, 15:23
O‘zLiDeP Қорақалпоғистон Республикаси Кенгаши ёшлар билан ишлаш бўлими томонидан фаол ёшлар учун “OKS DOOR MEBEL” корхонасига саёҳат ташкил қилинди.
Бундан кўзланган мақсад эса ёшларнинг бўш вақтларини мазмунли ўтказиш, уларни касб-ҳунарга, тадбиркорликка кенгроқ жалб этишдан иборат. Дастлаб “Ёшлар қаноти” фаолларига корхонада ишлаб чиқарилаётган маҳсулотларнинг сифати, харидор боплиги, иш жараёни билан яқиндан танишди.
– Корхонамиз 2007 йилдан буён мебел, эшик ва ромлар, темир дарвоза каби 80 хилдан ортиқ маҳсулотлар ишлаб чиқариб келмоқда, – деди корхонанинг иш юритувчиси Р.Шразаддинов. - Даставал 8 нафар киши билан иш бошлаган бўлсак, ҳозирги кунда 30 дан зиёд ёшларимиз доимии иш билан таъминланган. Цехимизда ёғоч ва темир маҳсулотларни махсус Хитой давлатидан олиб келинган ускуналарда кесиб олиниб сўнгра ишлов берилади.
Хўжайли туманида ҳам корхонамиз филиали иш олиб бормоқда. Ҳозирги кунда Мўйноқ туманидаги объектлар учун ҳам буюртмалар олиб қўйилганлигини таъкидлаб ўтмоқчиман Бошқа корхоналарда ишлаб чиқарилаётган маҳсулотлардан ўзгача бўлиш учун биз кўпроқ миллийликка урғу берганмиз. Қолаверса, ҳозир биласиз қаерда рақобат кучли бўлса, шу ерда ривожланиш, ўсиш бўлади.
Саёҳат давомида ёшларга корхонадаги ишлаб чиқарилаётган маҳсулотларнинг иш жараёни, маҳсулотлар сифати бўйича ҳам маълумотлар бериб ўтилди. Ушбу корхонада ишлаш истагини билдирган ёшлар иш билан ҳам таъминланди.
O‘zLiDeP Қорақалпоғистон
Республикаси Кенгаши
матбуот хизмати
Фикрингизни қолдиринг
Ўхшаш янгиликлар
-
Талаба-ёшларнинг партия лойиҳаларига қизиқиши ортмоқда
09.04.2024, 19:17
-
Нукуслик ёшларнинг молиявий саводхонлиги оширилди
31.03.2024, 09:59
-
Ёшларнинг молиявий саводхонлиги оширилди
16.03.2024, 14:43
-
Депутат талабаларнинг таълим ва иш билан бандлик йўналишидаги муаммолари билан қизиқди
07.03.2024, 10:48
-
Мактаб битирувчилари ёшлар кичик саноат зонаси фаолияти билан танишди
01.03.2024, 22:10
Билдирилган фикрлар
Рахманова Гульнара 2019-08-21 13:37:55
O‘zLiDeP Қорақалпоғистон Республикаси Кенгаши ёшлар билан ишлаш бўлими молодец!!! Ешлар билан ишлашда сизларга куч кувват тилаймиз. Партиямизга купрок ешлар жалб килинса, яхши фикр тилак истактаклифларнинг барчаси шу ешлардан чикади. Ахир улар хозирги замон ешлари да.